Diario dun piso… - Semana III
Durante a semana comprometinme a escribir sobre o que pasou o martes coa visita de Teira. Nunca me volverei a comprometer a escribir sobre algo no blog, porque se despois non me apetece é un coñazo. Ademais todo o mundo xa se enterou de que pasou e escoitou varias versións. Incluso Teira recolle no seu blog Rima Libertina outra crónica.
En resumo: Teira subiu a Coruña para sacar fotos de María Pita sen cámara e saúdar a un/s amigo/s co/s que non había quedado; cando lle deu por aí apareceu no noso piso aparentemente ebrio e cunha litrona; mexou moito; quedou a durmir; ó día seguinte marchou.
Iso é o que mola de vivir nun piso de estudiantes: os amigos*. Vives con amigos. Podes ir a facerlles visitas ós amigos. Poden vir amigos a cear. Podes ir a outra cidade a ver a amigos. Sempre hai amigos cerca. Pasas moito máis tempo cos amigos.
Unha visita dun amigo nunca molesta, aínda que non se poda falar nin razonar con el. 
Teira, a ver se volves pronto (aínda que o día despois en clase foi difícil aguantar desperto).
*Amigo: aquela persoa que che coñece a fondo e sabe todo sobre ti e, aínda así, quéreche e preocúpase por ti.
